Le Singe est faict à l'Image de l'homme,
Ou bien plustost à sa derision :
Chef, membres, corps : il ha tout ainsi comme
L'homme naif en sa proportion.
Mais ridicule il est en action,
Et en piedz platz, du corps d'homme il differe.
Ce que faict l'homme, il le veult contrefaire :
Ses petitz ayme, et embrassant leurs flans,
Les serre et tue, en leur pensant bien faire.
Trop grand amour faict perdre les enfants.